Шампионот Милвоки тргна победнички, Лејкерс загубија од Голден Стејт (ВИДЕО)
Освојувачот на титулата од ланската сезона Милвоки на домашен паркет го совлада можеби најголемиот конкурент сезонава на Истокот, Бруклин со 127-104. Јанис Адетокумпо доминираше со 32 поени и 14 скока, додека Крис Мидлтон имаше 20 поени. Кај Нетс очекувано најдобар беше Кевин Дурент со 32 поени и 11 скока, Пати Милс имаше 21 поен, додека Џејмс Харден еден помалку.
Лос Анџелес лејкерс загуби пред домашната публика од Голден Стејт со 114-121. Леброн Џејмс и Ентони Дејвис има одличен натпревар со 34, односно 33 поени и по 11 скока, но Расел Вестбрук се мачеше во играта и реализираше само осум поени со лош шут од игра. Стеф Кари запиша трипл-дабл за Вориорс со 21 поен, 10 скока и 10 асистенции.