НБА поради коронавирусот има неверојатна загуба – 700 милиони долари!
Поради пандемијата биле откажани 258 меча, а штетата е од огромни размери, зашто клубовите ги немаа очекуваните приходи од влезници за натпреварите, па доигрувањето беше чисто спортски, без присуство на публика во Орландо, колку да не се откаже сезоната и да има шампион во оваа корона-криза.
Точно 694 милиони евра била штетата во која најголеми загуби имаат ЛА Лејкерс, Њујорк Никс, Голден Стејт Вориорс, Хјустон Рокитс и Бостон Селтикс. Голден Стејт има загуба од шест милиони евра по меч, за Лејкерси загубата е 5,6 милиони, а за Никс – 5,2 милиони.
Поради продолженото доигрување на сезона, сега новата ќе стартува најверојатно од јануари, која сама по себе носи нова скратена сезона како во годината кога беше „локаутот“ и сето тоа повторно ќе донесе помали приходи, па веќе проценките на финансиските експерти е дека кога НБА ќе се врати во нормала и ќе се утврди комплетната штета, коронавирусот ќе ја чини најсилната лига повеќе од – една милијарда „зелени банкноти“.