Јокиќ „брутално“ заби преку Џордан, неговиот крик се слушна дури до Србија (ВИДЕО)

01 декември 2024 - 08:26

Кошаркарите на Денвер Нагетс се подготвуваат за натпреварот против ЛА Клиперс, кој ќе се одигра ноќеска на теренот на противникот во „Интуит Дом Арената“, а во кој влегуваат во одлично расположение, благодарение на враќањето на српскиот центар Никола Јокиќ.

Тој повторно е со соиграчите по раѓањето на своето второ дете, носејќи нова енергија и ентузијазам во тимот. Ова најдобро се покажа на неодамнешниот тренинг, каде што расположението беше на врвно ниво. На објавеното видео од Денвер, Јокиќ го привлече вниманието со хумористичен момент. Во текот на тренингот, Србинот ја зеде топката и ги повика останатите: „Снимајте!“ Потоа го забележа Деандре Џордан како разговара со Дарио Шариќ под кошот, се залета и спектакуларно заби преку популарниот „Џордановиќ“ по што викна толку силно, што неговите соиграчи му дофрлија дека го слушнале дури до Србија.

Џордан, изненаден од потегот, на шега му возврати на Јокиќ со фрлање на топката. Овој момент дополнително го зголеми тимскиот дух и покажа зошто Јокиќ е не само лидер на теренот, туку и носител на позитивна атмосфера во тимот.