Јокиќ блеска, ама Денвер губи, Дончиќ се измори, а Бруклин продолжува да – гази (ВИДЕО)
Еден од најдобрите центри во НБА во моментов средбата ја заврши со 24 поени, 11 скока и седум асистенции, но ниту тоа не беше доволно „грумењата“ да дојдат до триумф. Неговите соиграчи одиграа под сите очекувања, а најдобра слика за ужасот на Денвер е последниот напад во кој не реализираа контранапад „четири на еден“, односно наместо лесно да положат за изедначување, сите се стрчаа да се наместат за шут за тројка. Шутна ветеранот Кампацо и промаши, за скор 17-15 за тимот од Колорадо, додека „волшебниците“ сега имаа учинок 12-18.
Кошаркарите на Филаделфија лесно и убедливо го совладаа Далас маверикс (111-97), во меч во кој најдобриот противнички играч, Лука Дончиќ, делуваше преморено. Тоа го искористија домашните, каде штонајдобри беа Џоел Ембид со 23 поени и 10 скока и Бен Симонс со 15 поени. Словенецот средбата ја заврши со, за него, скромни 19 поени.
Екипата на Бруклин нетс дојде и до осмата победа во низа и тоа во дуелот со Орландо меџик (129-92). Кевин Дурент повторно не играше, но тоа не се забележа на теренот. Кајри Ирвинг со 27 поени беше најпрецизен кај „мрежичките“, додека Џејмс Харден дополни со 20 поени.
РЕЗУЛТАТИ: Филаделфија-Далас 111-97, Бруклин-Орландо 129-92, Њујорк-Сакраменто 140-121, Мемфис-ЛА Клиперс 122-94, Денвер-Вашингтон 110-112.