Хјустон доживеа дебакл пред стартот на плејофот (ВИДЕО)

15 август 2020 - 10:22

Кошаркарите на Хјустон Рокитс неочекувано доживеаа дебакл со 38 разлика во синоќешната пресметка со Филаделфија сисксерс, откако загубија во последното коло во регуларниот дел до 96-134.

Иако Џејмс Харден даде 27 поени, имаше 10 асистенции и три скока, тоа премногу не помогна на тимот на Мајкд Д'Антони, па Филаделфија им удри силна шлаканица за освестување пред да почне разигрувањето и пресметката во плејофот со Оклакома Тандер, која синоќа во интересен меч загуби од ЛА Клиперс со 103-107.

Филаделфија мечот го доби од почеток до крај, а најдобар поединец беше Тобајас Херис, кој постигна 18 поени и имаше седум скокови, а Алек Буркс додаде 17 поени, додека Нето и Џоел Ембид со по 14.

Филаделфија на истокот во плеј-офот ќе игра против Бостон селтикс.

Во другите два меча, Торонто го победи Денвер со 117-109, а Индијана славеше над Мајами со 109-102.