Феникс ја прегази Јута за седми триумф по ред, Чикаго се коцкаше, но ја победи Оклахома (ВИДЕО)

25 јануари 2022 - 09:26

Кошаркарите на Феникс продолжуваат со одличните настапи во најсилната кошаркарска лига, па така минатата ноќ стигнаа до седмата победа по ред откако ја совладаа Јута (115-109), кој играше без Донован Мичел, Руди Гобер и Бојан Богдановиќ.

Гостите во последната четвртина имаа предност од два поени, меѓутоа Феникс со одлична серија од 9-0 го скрши отпорот и стигна до нова победа во НБА-лигата, а најдобар во тимот беше Букер со 33 поени, додека Крис Пол постигна 29 поени, девет скокови и 14 асистенции. На спротивната страна најефикасен беше Кларксон со 22 поени.

Чикаго за малку ќе ја испуштеше победата против Оклахома (111-110), откако имаше 14 поени предност во последните 12 минути, меѓутоа домаќините на 15 секунди пред крајот намалија на само еден поен (107-108).

Најдобар во победничкиот тим беше Никола Вучевиќ со 26 поени, 15 скокови и четири асистенции, додека на спротивната страна најефикасен беше Гилџс-Александер со 31 поен.

На останатите натпревари Кливленд го совлада Њујорк со 95-93, додека Њу Орлеанс беше подобар од Индијана со 117-113.