Џинот Шек се „распадна“ пред камери – плачеше и едвај зборуваше за Коби (ВИДЕО)

29 јануари 2020 - 08:38

Американските телевизии продолжуваат со специјалните емисии како своевиден придонес за трагично загинатата легенда Коби Брајант, меѓу кои една од најтажните беше ножешната на „ТНТ“ во која неговиот поранешен соиграч, Шекил О'Нил буквално се распадна пред камери.

Џинот говореше за својот однос со Коби, но на крајот не издржа и почна да плаче едвај наоѓајќи зборови со кои би ја опишал својата тага и болка.

„Лошо сум, ова многу боли. Не можам да си простам што во последно време не говорев со Коби толку често колку што сакав и морав. Ова е болка каква што никогаш немам почувствувано“, изјави меѓу другото Шек.

Брајант настрада во хеликоптерска несреќа во близина на Лос Анџелес, заедно со својата 13-годишна ќерка Џиана и уште седуммина меѓу кои и две деца.