Дончиќ верува во своите соиграчи: Далас ќе игра во плејофот следната сезона

22 јули 2019 - 19:02

Еден од најдобрите европски кошаркари, Лука Дончиќ, имаше импресивна деби сезона во НБА лигата со тимот на Далас, каде беше избран за „Дебитант на година“. Но, и покрај тоа, тимот на Марк Кјубан заврши на 14-тата позиција во Западната конференција со биланс од 33 победи и 49 порази.

Словенечкиот кошаркар смета дека неговиот тим ќе настапи многу подобро во новата сезона и верува дека Маверикс ќе се квалификуваат во плејофот во НБА лигата.

Ние ќе се квалификуваме за плејофот. Треба да го направиме тоа. Ова е главната цел поставена за тимот следната сезона и ние ќе се потрудиме да го постигнеме тоа, изјави 20-годишниот Словенец.

Лука Дончиќ одигра 72 натпревари за Далас, почнувајќи во сите од нив, а за 32.2 минути на теренот, тој реализираше 21.2 поени, 7.8 скокови и 6 асистенции во просек на натпревар.