Дончиќ даде 27 поени во триумфот на Далас, Џејмс со трипл-дабл го урна Бруклин (ВИДЕО)

24 јануари 2020 - 09:15

Минатата ноќ во НБА-лигата беа одиграни три натпревари, а на еден од нив Лос Анџелес Лејкерс успеа да слави на гостувањето кај Бруклин нетс со 128-113, а победа остварија уште и Далас и Вашингтон.

Леброн Џејмс повторно беше одличен во редовите на Лејкерс, па постигна трипл-дабл со 27 поени, 12 скокови и 10 асистенции, додека Кајл Кузма и Ентони Дејвис постигнаа по 16 поени.

Интересен беше мечот и меѓу Портланд и Далас, во кој гостите на крајот триумфираа со 133-125 и покрај 47 поени на Дамиен Лилард, а Лука Дончиќ повторно покажа дека не е од оваа планета и даде 27 поени, шест скокови и девет асистенции.

Вашингтон го реши Кливленд со 124-112, а Бредли Бил постигна 36 поени и осум скокови во победата на гостите.