Доминација на Јокиќ за влез во историјата во НБА - најдобар во сите статистички категории!

28 февруари 2021 - 08:00

Српската ѕвезда Никола Јокиќ игра сезона од соништата во најсилната кошаркарска лига, па центарот на Денвер влезе во историјата на НБА, како шести кошаркар кој успеал така да доминира и во сите можни статистички категории да биде – најдобар.

Јокиќ како од шега реди „трипл-дабл“ учиноци, неколкупати веќе надмина 40 поени по меч, постави личен и српски рекорд со 50 поени, а Крис Марлоу, коментаторот на мечевите на Денвер сега откри неверојатен податок.

Јокиќ е најдобар во сите можни статистички категории и параметри од сите кошаркари за еден клуб, според кои е кандидат и за наградата за МВП на сезоната. Јокиќ е убедливо најдобар по број на постигнати поени, по остварени скокови, по асистенции, по украдени топки, блокади, процент на шут, процент на слободни фрлања, како и по број на дабл-дабл и трипл-дабл учиноци.

Колку е сето ова неверојатно и за историја доволно говори фактот што само петмина во историјата на НБА успеале да стигнат до вакво нешто, а ни најголемите легенди не успеале да го остварат. Со ваква потполна статистика може да се пофалат Дејв Кауенс (1977/78), Скоти Пипен (1994/95), Кевин Гарнет (2002/03), Леброн Џејмс (2008/09) и Јанис Антетокумпо (2016/17).