Далас продолжува да реди победи без Лука Дончиќ (ВИДЕО)

01 декември 2024 - 08:16

Кошаркарите на Далас Маверикс продолжуваат со одличната форма во НБА лигата и покрај тоа што нивната прва ѕвезда, Лука Дончиќ, е надвор од терените поради повреда.

Тие на синоќешното гостување го совладаа тимот на Јута Џез (106-94), во меч во кој Кајри Ирвинг беше најдобар на теренот со 30 поени, додека кај домашните Лаури Марканен забележа 19 поени. Екипата од Тексас сега има скор 5-1 во средбите без Словенецот во тимот, додека вкупно сезонава има учинок 12-8.

Феникс санс, пак, триумфираше против Голден стејт вориорс со 113-105. Девин Букер беше водечки играч за победничкиот тим со 27 поени, додека Стеф Кари постигна 23 поени за гостите.

Резултати од останатите натпревари: Шарлот – Атланта 104-107, Детроит – Филаделфија 96-111, Милвоки – Вашингтон 124-114.