Србинот Мициќ – МВП на фајнлфорот во Белград

21 мај 2022 - 21:03

Српската кошаркарска ѕвезда Василие Мициќ ја доби наградата за најкорисен кошаркар (МВП) на фајнлфорот во Евролигата во Белград, после победата на Анадолу Ефес против Реал Мадрид во финалето со 58-57 за втора титула по ред за турскиот клуб.

Мициќ повторно блескаше и беше лидер и предводник на Ефес, постигна 24 поени, меѓу кои и неколку клучни тројки, па откако погоди за пласман во финалето со тројка во последната секунда во полуфиналната пресметка со Олимпијакос, сега повторно беше еден од клучните играчи и за новата титула.

Мициќ и лани беше лидер на Ефес, беше МВП на сезоната во Евролигата и го водеше овој клуб до европската круна, а сега повторно беше херој за одбрана на европскиот трон.