Перо Антиќ заигра оро среде емисија на Евролигата (ВИДЕО)

Во најновата епизода на „Кул Евролига“ на јутјуб каналот на Евролигата, Антиќ зборуваше на различни теми, а една од неизбежните беше ривалството меѓу Црвена Звезда и Партизан.

„Тоа е омплициран однос. Тоа е како воена зона кога се игра дербито, тоа е повеќе од животот. Можеш да ја освоиш Евролигата, но ако не го добиеш дербито... комплицирано е, не е како во Турција, или Грција, каде што не е дозволено навивачите на двата клуба да бидат заедно во салата. Во Србија тоа е дозволено и уживам во таквата атмосфера“, објаснува Антиќ.

Центарот на Црвена Звезда, исто така, откри кои навивачи му останале во срцето.

„Навивачите на Ц. Звезда, Олимпијакос и Фенербахче ги сметам за најдобри, тие ми останаа во срцето“, вели Антиќ.

А потоа направи одличен потег, кога одлучи да заигра оро во емисијата.