Партизан се подготвува за живот без Обрадовиќ - одреден е неговиот „наследник“

29 ноември 2025 - 12:43

Српскиот и АБА шампион Партизан попладнево ќе го одржи првиот тренинг по дуелот против Панатинаикос, но на него нема да биде присутен Жељко Обрадовиќ.

Денеска во 11 часот требаше да се одржи состанокона Управниот одбор на клубот со цел да се донесе конечната одлука, но беше одложен за идната недела, продолжувајќи ја сагата околу судбината на Обрадовиќ. Во меѓувреме, кошаркарите на Партизан се подготвуваат да ја продолжат сезоната во АБА и Евролигата. Црно-белите ќе се соочат со Баерн во четврток, по што играат со Клуж во текот на викендот, во рамките на АБА лигата.

Како подготовка за овие натпревари, тимот ќе одржи тренинг во текот на денот, предводен од асистентите. Жељко Обрадовиќ нема да биде таму, бидејќи се врати во Белград од Атина, но не работи со тимот додека не се разјасни ситуацијата.

Според извори блиски до клубот, тренингот ќе го води Александар Матовиќ кој од сите асистенти има најдолг стаж во клубот. Ако до четврток не се донесе конечна одлукаа околу Обрадовиќ или ако досегашниот тренер си замине, Матовиќ ќе биде на клупата на дуелот против Баерн. Дали тој ќе биде само привремено решение, ќе се знае исто така во текот на идната недела.