Димитријевиќ блесна во прво полувреме, но Хувентуд на крајот загуби од Уникаха

21 јуни 2020 - 20:21

Македонскиот кошаркарски репрезентативец Ненад Димитријевиќ одигра одлично прво полувреме против Уникаха, но на крајот неговиот тим загуби со 89-98.

Димитријевиќ го почна мечот со седум поени и две асистенции за само три минути, додека до крајот на првото полувреме успеа да постигна 13 поени, три асистенции и еден скок, иако Хувентуд имаше негатива од 36-39.

Во второто полувреме Македонецот додаде уште три поени (вкупно 16), а мечот го заврши и со четири загубени топки.

Ова е втор пораз за Хувентуд, кој претходно беше поразен и од Барселона, а успеа да слави по продолженија против Билбао.