Баерн Минхен ја реши ЦСКА Москва, Ц. Звезда се бореше храбро, но загуби од Лион!
Во првата четвртина се водеше голема борба меѓу ЦСКА и Баерн, а рускиот тим ја доби со 27-25, по што Баварците на полувреме заминаа со предност од 40-39.
ЦСКА издоминира во третата четвртина, која ја доби со 21-10, но Баерн во последниот период успеа да направи целосен пресврт и славеше со 69-66.
Најдобар во победата на Баерн беше Болдвин со 22 поени, додека Милутинов постигна 16 поени за ЦСКА.
Црвена Звезда се бореше храбро против гостинот во текот на целиот натпревар, а имаше и водство во последните моменти од натпреварот (78-77), но Лион сепак славеше со 81-78.
Кол постигна 22 поени за Лион, додека Волден и Добриќ постигнаа по 17 поени за Ц. Звезда.
Останати резултати:
Алба Берлин – Реал Мадрид 63-72
Панатинаикос – Валенсија 91-71
Басконија – Жалгирис 81-68