Вардар „секна“ во Аеродром: МЗТ 2 до злато вредна победа во борбата за опстанок!

„Штркчињата“ до бодовите дојдоа на речиси на идентичен начин како и нивните повозрасани колеги претпладнево против Работнички и тоа со пеколен финиш и серија 8-1 со која негатива од четири поени (81-85) ја претворија во голема победа. „Вардарци“ долго ќе жалат за пропуштената шанса да му се „одлепат“ на ривалот, со оглед што водеа во најголемиот дел од средбата, па дури и со 13 поени разлика во неколку наврати во третиот период. Но, младите избраниците на тренерот Борче Даскаловски не се предадоа до самиот крај, за што потоа и беа наградени.

Американецот Роберт Монтгомери со 30 поени и 11 скока беше најзаслужен за големиот успех на МЗТ Скопје УНИ Банка, каде што Максим Митевски постигна 15, а Андреј Андоновски 14 поени. Дикембе Диксон со 23 поени беше најефикасен кај црвено-црните.

Вечерва се игра уште еден заостанатнатпревар и тоа помеѓу Кожув и Гостивар.