Работнички лесно ја освои Гевгелија, МЗТ Скопје го прегази Вардар!
Кожув се покажа како цврст противник во првата четвртина, па Работнички успеа да добие водство од само четири поени (26-22), но сепак до крајот на полувреме го скршија отпорот на противничкиот тим и на пауза заминаа со водство од 57-41.
Во продолжение од средбата Кожув не успеа многу да му се спротистави на фаворитот во средбата, па успеа да намали само на 57-71. А, до крајот на дуелот двете екипи одиграа израмнето и Работнички триумфираше со 84-73.
Најдобар кошаркар кај Работнички во мечот беше Костов со 24 постигнати поени, а кај Кожув најефикасен беше Игор Кесар со 20 поени.
МЗТ Скопје тргна лошо против Вардар, кој имаше водство само по првата четвртина од 23-21, а потоа Аеродромци ги прегазија „црвено-црните“ и славеа со 102-67.
Најдобри во победничкиот тим беа Предраг Самарџиски и Младеновски со по 23 постигнати поени, а кај Вардар се покажа Радос со 13 поени.
Фени Индустри ја запиша осмата победа во сезоната, откако денеска го совлада Шкупи со 101-78 во меч во кој екипата од Кавадарци доминираше од самиот почеток.
Во моментов Работнички е лидер во Суперлигата со 25 бодови, односно 12 победи и еден пораз, додека зад нив е МЗТ со 24 бодови, а трета е Блокотехна со 22 бода, но тие имаат одиграно натпревар помалку.