МКФ жестоко го казни Гостивар за инцидентот со судиите во Гевгелија!

Поголем дел од играчите на гостиварскиот суперлигаш, незадоволни од наводното лошо судење, ги обиколија делителите на правдата и вербално им се нафрлија, а ептен малку фалеше да дојде и до физички контакт што не се случи само поради присебноста на тренерот Марјан Србиноски. Највоинствени и жестоки во навредите биле Јурај Сегариќ и Ивица Димчевски, кои се „заканувале, навредувале и неспортски се однесувале“ за што биле пријавени од судиите, а потоа и казнети од в.д. Комесарот со казна од по 40.000 денари или вкупно 1.300 евра за тимот од Западна Македонија.

Тоа воедно е и единствената казна за машкиот дел од завршниот турнирот, кој слободно може да се потенцира како еден од нафер и најспортски одржаните и одиграните во досегашната историја на ова натпреварување.