Главчев: Горд сум на моите момци и на цела Гевгелија - сѐ чувствувам како победник!
Напротив, тој изрази чувства на гордост не само за неговите кошаркари, туку и за цела Гевгелија за начинот на кој ги бодреа избраниците на тренерот Марин Докузовски.
„Бескрајно сум горд на моите момци, на цела Гевгелија за поддршката која ни ја дадоа, но и на градоначалникот Сашко Поцков за напорот кој го вложи да организира ваков спектакл. Без разлика на поразот се чувствувам како победник. Сепак, не е лесно да се победи тим како Работнички, но јас сум задоволен на кој начин го претставивме клубот и градот. Ова беше еден прекрасен настан кој треба да биде пример за сите други, што всушност треба да претставува кошарката и спортот воопшто“, изјави Главчев.
Пласманот во финалето како 16-та екипа во историјата е втор голем успех за гевгеличани во само една недела, по освојувањето на победничкиот пехар во Балканската лига (БИБЛ) пред седум дена.