Атрактивната Муса се повреди, Работнички загуби во де(р)бито со Бадел (ФОТО)
Многумина со нетрпение го очекуваа овој дуел, пред сѐ поради фактот што по седум децении се формира женска секција на екипата од „Градски парк“, но и поради тоа што за овој тим настапува најатрактивната македонска кошаркарка, Едина Муса. Токму нејзината повреда во финишот од мечот, при резултат 55-55 се покажа како клучна за поразот на црвено-белите.
Таа почувствува болка во коленото, по што не можеше да го продолжи мечот, а што гостинките од Кисела Вода го искористија на најдобар начин и со одличен финиш дојдоа до посакуваните два бода.
Претходно, во првиот меч од новата сезона во женската Прва лига, Вардар како гостин го совлада Клупски Патриот со неверојатни 81-19.