Амбициозниот Гостивар потклекна: Одличниот Мекиќ му донесе два од два на Куманово!
Најзаслужен за триумфот на кумановци беше репрезентативецот Адем Мекиќ, кој средбата ја заврши со 26 поени и осум скока. Домаќинот воедно шутираше далеку подобро, а имаше и двоцифрен број повеќе скокови од незгодниот ривал (46-31). Одличен кај кумановци беше и Мирко Ковач со 13 поени и шест скока. Фурстингер и Сегариќ со 19 односно 13 поени беа најпрецизни кај Гостивар.
Вчера се одиграа останатите средби од 2. коло во кои Работнички и МЗТ Скопје ги „згазија“ Пелистер односно Шкупи, Кожув беше подобар од АВ Охрид, а Блокотехна како гостин го совлада Фени индустри. Слободен беше Вардар.