Мото ГП нема да почне најрано до средина на јуни

07 април 2020 - 17:40

Најбрзиот мотоциклистички шампионат Мото ГП нема да стартува најрано до средина на јуни, откако две трки денеска од календарот очекувано беа одложени, зашто станува збор за гранп-рија во двете најпогодени земји во Европа, Италија и Шпанија.

После серијата на одложувања на трките од календарот за оваа сезона, на ред дојдоа одложувањата и на италијанското гранпри закажано од 29 до 31 мај, а потоа и гранприто на Каталуња закажано од 5 до 7 јуни. Сето ова значи, дека кралската класа во мотоциклизам до средина на јуни ќе нема активности, а потоа...

Засега дали и кога ќе се вози некаква трка, дали ќе се прави нов календар нема конкретни одговори ни од раководството на Мото ГП, како што нема одговор за вакво нешто и во другите спортови сооглед на развојот на ситуацијата со коронавирусот.

Сезоната во Мото ГП требаше да почне во Катар на 8 март.