Маркез со триумф во Валенсија ја заврши сезоната во Мото ГП (ФОТО)

17 ноември 2019 - 15:27

Шампионот на кралската класа, Марк Маркез со победа ја заврши одличната сезона во која ја освои титулата. Возачот на Репсол Хонда славеше пред домашната публика во Валенсија, а зад него завршија Фабио Квартараро и Џек Милер.

Во топ-10 завршија уште Андреа Довициозо, Алекс Ринс, Маверик Вињалес, Жоан Мир, Валентино Роси, Алеш Еспаргаро и Пол Еспаргаро.

Маркез со победата во Валенсија ја заврши сезоната со 420 поени, а зад него се Довициозо со 269, Вињалес со 211, па следат Ринс, Квартаро, Петручи, Роси, Милер, Крачлоу и Морбидели во топ-10.