Маркез доби казна, Жарко ќе тргне од пол-позиција во Малезија!

03 ноември 2018 - 12:46

Шампионот во Мото ГП, Марк Маркез, беше најбрз во квалификациите за Големата награда на Малезија, но сепак Шпанецот доби казна, па прв ќе стартува Жоан Жарко.

Маркез имаше еден пад, а при враќањето на патеката му пречеше на Андреа Јаноне и поради тоа Шпанецот доби казна, па ќе тргне од седмата позиција.

„Не го видов Јаноне. Можеби му пречев. Се обидов да избегнам контакт на патеката и само тоа можам да го кажам“, објасни Шпанецот.