УЕФА не дозволува политика во спортот: Истанбул останува без финалето во ЛШ!
Стадионот „Ататурк“ е предвиден да ги пречека двете најдобри екипи во Лигата на шампионите оваа сезона, меѓутоа финалето кое е закажано за 30-ти мај би можело сепак да не се игра во Истанбул.
Ќе се држиме до автономијата и независноста на спортот, но сигурно не можеме да ги занемариме Обединетите нации, Европската унија, државите, дипломатите, амбасадорите и останатите политички институции. После тоа, одлуката ќе биде донесена во соработка со Извршниот одбор и претседателот на УЕФА, изјави потпретседателотна УЕФА, Мишел Ува.
Ситуацијата околу Турција во последниов период и не е баш најдобра, најмногу поради агресијата на турската армија против курдското население на северот од Сирија која започна минатата седмица.
Целата ситуација, односно мешањето на спортот и политиката ја подгреаа и репрезентативците на Турција кои со војничко салутирање ги поддржаа турските војници и тоа е тема околу која ќе се води посебна истрага.