Тренерот на Шкупи задоволен: И ова не е лош резултат, имаме шанси за пласман понатаму

11 јули 2019 - 20:20

Македонскиот фудбалски клуб, Шкупи, оствари солиден резултат пред реванш дуелот во Скопје, откако на првиот натпревар од квалификациите за Лигата на Европа на гостински терен против Пјуник одигра нерешено 3:3.  

По овој резултат, тренерот на Шкупи, Умит Каран, истакна дека е задоволен пд прикажаното на своите избраници, иако жали за пропуштената можност да дојдат до победа на овој дуел, ако се има во предвид дека тимот од Чаир имаше водство од 3:1 на десетина минути до крајот на натпреварот.

Пјуник е добар тим и долго време играат заедно. Ние сме подновени, бевме казнети на почетокот од мечот, но покажавме дека можеме да се надигруваме со нив. Имавме шанси при резултат 1:3 да ја зголемиме предноста, но не успеавме да ги искористите и потоа следуваше казна. Среќен сум за прикажаното и се надевам дека со помош на нашите фанови ќе дојдеме до поволен резултат во Скопје и ќе продолжиме понатаму во квалификациите, изјави тренерот на Каран.