Модриќ стана најстар хрватски стрелец на Еуро!

22 јуни 2021 - 23:11

Хрватскиот капитен Лука Модриќ беше еден од стрелците на погодоците против Шкотска (3-1) и ја однесе неговата репрезентација во осминафиналето на Еуро 2020, а притоа се запиша во историјата.

Модриќ го држеше рекордот за најмлад стрелец на Хрватска на Европските првенства (ЕП), кога постигна гол на возраст од 22 години и 273 денови, а сега успеа да стане и најстар стрелец на 35 години и 286 дена.