Јунајтед го пречекува ПСЖ во дерби на вечерта, Лацио гостува во Дортмунд
Иако во вечерашниот меч ќе влезат со ослабен состав поради голем број повреди ПСЖ не смее да загуби за да не ја загрози борбата за нокаут-фазата во ЛШ.
Томас Тухел, тренерот на ПСЖ кажа дека ова ќе биде финале за неговиот тим во ЛШ.
„Овој меч е како финале на ‘Олд Трафорд’. Не смееме да најдеме изговори. До нас е да бидеме добри на теренот и да победиме. Можно е, иако ова е голем предизвик“, кажа Тухел.
И тренерот на Манчестер јунајтед, Оле Гунар Солшер, е подготвен за предизвикот, а ќе добие помош од Едисон Кавани.
„Кавани е подготвен да игра и ова е навистина специјален момент за него бидејќи ќе се соочи со поранешниот клуб, каде што беше еден од најдобрите. Тој е професионалец и ќе биде подготвен за натпреварот“, кажа Солшер.
When you lash one in during training... 😅@B_Fernandes8 #UCL pic.twitter.com/6PkdOOMJrd
— UEFA Champions League (@ChampionsLeague) December 2, 2020
Ако Лајпциг го победи Башакшехир, а ПСЖ загуби во Манчестер, тогаш тоа би можел да значи крај за вицешампионот на Европа на надежта за пласман во плејофот.
Башакшехир и Лајпциг играат од 18.55 часот, додека мечот меѓу Манчестер јунајтед и ПСЖ почнува од 21 часот.
Борусија Дортмунд и Лацио ќе се пресметаат во директен дуел, а победникот ќе обезбеди место во плејофот, додека поразениот ќе мора да се надева дека Клуб Бриж нема да слави против Зенит.
⚫️🟡 @ErlingHaaland reached 16 goals in 12 #UCL games with this double for @BVB last week. 🔥🔥🔥
— UEFA Champions League (@ChampionsLeague) December 2, 2020
Will he be in your #TeamOfTheYear attack?
If so, who with..? 🤔 🔻
Во групата Г познати се патниците, а тоа се Барселона која со ослабен тим патува кај Ференцварош, и Јувентус кој го пречекува Динамо Киев.
Уште едно дерби во „сенка“ е мечот меѓу Севилја и Челси, кои ќе се борат за првата позиција во групата Е, а имаат по десет бодови и веќе изборија пласман во нокаут-фазата, додека Краснодар и Рен ќе решат кој ќе патува во плејофот на Лига Европа.