Целосна доминација на клубовите од „лига петка“: Познати се сите 16 учесници во нокаут фазата во ЛШ

Екипите на Ливерпул, Наполи, Барселона, Борусија Дортмунд, Лајпциг, Лион, Валенсија и Челси го обезбедија своето место во нокаут фазата уште вчера, додека вечерва ги добивме преостанатите осум учесници. Тоа се екипите на ПСЖ, Реал Мадрид, Баерн, Тотнем, Манчестер Сити, Аталанта, Јувентус и Атлетико Мадрид.

Екипите на ПСЖ, Баерн, Манчестер Сити, Јувентус, Ливерпул, Барселона, Лајпциг и Валенсија успеаја да го заверат првото место во групата, а тоа значи дека ќе имаат мала предност пред Реал Мадрид, Тотнем, Аталанта, Атлетико Мадрид, Наполи, Борусија Дортмунд, Лион и Челси, поради тоа што реваншот ќе го играат пред своја публика.

Интересно е тоа што пласман меѓу 16. најдобри обезбедија сите тимови кои се од најсилните пет лиги, а ниту еден од преостанатите лиги не успеа да се провлече понатаму, што воедно е прв пат во историјата на ЛШ.

Во Лигата на Европа продолжуваат Клуб Бриж, Олимпијакос, Шахтјор, Баер Леверкузен, Салцбург, Интер, Бенфика и Ајакс.

Ждрепката за двојки во осминафиналето во Лигата на шампионите ќе се одржи во понеделник во Нион. Првите натпревари од осминафинале се играат на 18, 19, 25 и 26 февруари, а реваншите се закажани за 10, 11, 17 и 18 март.

Големото финале се игра на Олимпискиот стадион „Кемал Ататурк“ на 30. мај следната година.