Атлетико Мадрид го исфрли Слован од Лигата на шампионите (ВИДЕО)

Тимот на Чоло Симеоне ја оправда улогата на фаворит против Слован Братислава која по шест кола остана без бодови и му се приклучува на Лајпциг како првите елиминирани во Лигата на шампионите.

Резултатот на „Ванда Метрополитано“ беше отворен уште во 16. минута кога Хуан Алварез погоди за водство на Атлетико од 1-0.

Пред крајот на првото полувреме Гризман даде гол и го зголеми водството на домаќините на 2-0.

По шест минути игра во вториот дел Стрелец стрелаше прецизно од белата точка и намали на 2-1.

Но, овој резултат траеше само шест минути бидејќи во 57. минута Гризман даде уште еден гол за конечни 3-1.

Во вториот меч од овој термин имаше гол повеќе, Лил на свој терен го победи Штурм со 3-2.