Адеми за епската победа со Динамо: Ова е историја, го урнавме вториот најдобар тим во Италија!
Адеми запиша асистенција, беше фудбалер со најмногу истрчани километри меѓу динамовци на мечот (скоро 11 километри), а едноставно овој тим не може без својот капитен и мотор на тимот, кој лани напиша историја со осминафиналето во Лига Европа.
„Што човек да каже после ваков меч? Величенствено! Ова е историја! Па ние го срушивме вториот најдобар клуб во Италија, веднаш зад Јувентус! Дури можевме да им дадеме и повеќе голови. Секоја чест за сите соиграчи, за начинот на кој одиграа, секоја чест за навивачите за поддршката и атмосферата. Секоја чест за стручниот штаб, за сите во клубот. Но, ајде многу да не славиме, па нас в недела не чека нов меч“, вели Адеми.
За Адеми ова е прв настап во ЛШ после кошмарот пред четири години, кога падна на допинг-тест после мечот со Арсенал (2-1) и мораше две години да паузира поради суспензија.