Во Интер беше „камен“, во Бенфика „дрво“, а „воскресна“ во Фламенго
Иако беше најавуван како големо засилувањ, не покажа речиси ништо во дресот на „нераѕурите“ и постигна само еден гол на девет натпревари. Беше позајмен во Бенфика, но и таму не се изнаигра и запиша вкупно пет настапи во сите конкуренции со еден постигнат гол.
Следуваше враќање во родниот Бразил во редовите на Сантос и тоа повторно на позајмица, а популарниот Габи-гол покажа знаци на напредок. Одигра 53 натпревари и постигна 27 голови. Сезонава повторно е позајмен во Бразил и тоа во Фламенго, каде игра неверојатно.
На 15 натпревари во бразилскиот шампионат има 16 голови, а беше стрелец и на три голови во Копа Либертадорес. Тоа беше доволна препорака за бразилскиот селектор Тите повторно да го повика во репрезентацијата по пауза од три години. 23-годишниот напаѓач ќе биде во комбинација за пријателските дуели на „кариоките“ против Сенегал и Нигерија во октомври.