Трол на Мундијалот: Големиот Кантона на урнебесен начин го исмеа Нејмар (ФОТО)

18 јуни 2018 - 14:44

Враќањето на теренот на Бразилецот Нејмар по подолгата пауза поради повреда се најде во центарот на вниманието на огромен број светски медиуми, без разлика што неговата репрезентација одигра само 1-1 со Швајцарија на отворањето на Мундијалот во Русија.

Но, освен за играта на ѕвездата на ПСЖ, реакции има и за неговата фризура за која имаше огромен број коментари на социјалните мрежи. Меѓу тие на кои не им се допадна стилот на бразилскиот репрезентативец беше и легендарниот француски фудбалер, Ерик Кантона, кој објави фотографија со истурени шпагети на главата опишувајќи ја сопствената фризура дека е во стилот на Нејмар.

Останува да се види дали Бразилецот ќе врати или ќе остане фокусиран само на случувањата на Светското првенство.