Саутгејт го објави списокот со фудбалери за Мундијалот!

Герет Саутгејт го објави списокот на повикани фудбалери за Светското првенство во Русија. На него се наоѓаат 23 играчи, а уште петмина се на листата со резерви.

Како што беше откриено претходно, на списокот го нема искусниот голман Џо Харт, а последниот „филтер“ на селекторот не го поминал ниту Адам Лалана, чии шанси да се најде меѓу 23. играчи беа уништени поради проблемите со повреди, па сега ќе биде резервна варијанта.

Ги нема ниту повредените Алфи Мосон, ниту Џо Гомез. Но од листата се отпишани и Крис Смолинг од Манчестер јунајтед, Мајкл Кин од Евертон, како и Лук Шо, Џонџо Шелви, искусниот Тео Волкот, младиот Тами Абрахам, ниту сензацијата на Фулам, Рајан Сесењон.

Но, затоа во тимот е повикан искусниот дефанзивец на Челси, Гери Кејхил. Вилшер е заменет со Фабијан Делф, а на позицијата лев бек, шанса ќе добијат Ешли Јанг и Дени Роуз пред Рајан Бертранд.

Неочекуван беше и повикот на играчот на Челси, Рубен Лофтус Чик, кој имаше добра сезона во Кристал Палас.

Голмани: Џордан Пикфорд (Евертон), Ник Поуп (Барнли), Џек Батленд (Стоук)

Одбрана: Александер Арнолд Трент (Ливерпул), Гери Кејхил (Челси), Фил Џонс (Манчестер јунајтед), Хари Мегвајер (Лестер), Џон Стонс (Манчестер сити), Кијерон Трипи (Тотнем), Кајл Вокер (Манчестер сити), Ешли Јанг (Манчестер јунајтед), Дени Роуз (Тотнем).

Средина: Деле Али (Тотнем), Ерик Дајер (Тотнем); Џордан Хендерсон (Ливерпул), Џеси Лингард (Манчестер јунајтед), Фабијан Делф (Манчестер сити), Рубен Лофтус-Чик (Кристал Палас).

Напад: Хари Кејн (Тотнем), Маркус Рашфорд (Манчестер јунајтед), Рахим Стерлинг (Манчестер сити), Дани Велбек (Арсенал), Џејми Варди (Лестер).

Резерви: Том Хитон (Барнли), Џејмс Тарковски (Барнли), Луис Кук (Борнмут), Џек Ливермор (ВБА), Адам Лалана (Ливерпул).