Роналдо не промашува од пенал - 17/17 откако игра во Саудиска Арабија (ВИДЕО)

27 септември 2024 - 21:33

Екипата на Ал Наср ја оствари третата победа во саудиското првенство откако на домашен терен ја совлада Ал Вехда со 2-0.

Стрелец на еден од головите беше Кристијано Роналдо кој погоди од пенал за својот четврти гол оваа сезона во домашното првенство. Португалецот сепак е далеку од врвот на листата на стрелците каде се наоѓа Александар Митровиќ со осум погодоци и тоа со натпревар помалку.

Интересно е тоа што денешниот гол беше 17. од пенал за Кристијано Роналдо од 17 удари колку што изведе откако настапува во Саудиска Арабија.