Ракитиќ: Ако мораше, ќе играв и со една нога против Англија
Еден од клучните фудбалери на репрезентацијата која од клупата ја предводи Златко Далиќ, имал температура ноќта пред мечот, но порача дека би играл и со една нога ако треба.
„Ноќта пред дуелот со Англија имав температура 39. Лежев во креветот и собирав енергија за големиот натпревар. Вредеше, издржав. Нема шанси да го пропуштам натпреварот. Да мораше, ќе играв и со една нога“, порача Ракитиќ.
Ракитиќ беше еден од клучните играчи во победата од 2-1, а фудбалерот на Барселона ги одигра сите 120 минути. Хрватска в недела од 17 часот го игра големото финале против Франција.