Нејмар и повреден е голем мајстор – со гол и асистенција го спаси Сантос (ВИДЕО)

29 ноември 2025 - 09:07

Бразилската ѕвезда Нејмар се врати по повредата, која се уште целосно ја нема санирано и беше клучен во победата на Сантос против Спорт Ресифе (3-0), во натпревар од 36. коло на бразилското првенство, по кој овој тим излезе од зоната за испаѓање и се искачи на 15. место со 41 бод.

Напаѓачот долго време се бореше со повреда на менискусот, поради која лекарите му препорачаа да не игра до крајот на годината. Сепак, Нејмар се најде во почетниот состав и остана на теренот речиси до самиот финиш. Тој го отвори резултатот во 25. минута, а десет минути подоцна домаќините го зголемија водството по автоголот на Лукас Кал. Конечните 3-0 ги постави Жоао Шмит, по асистенција на Нејмар.

До крајот на сезоната остануваат уште две комплетни кола, како и заостанатите натпревари што треба да се одиграат, но легендарниот бразилски клуб сега има огромни шанси да остане во Серија А.

ФОТО: X.COM