Не отиде во училиште, па стана најмладиот стрелец во историјата на Копа Либертадорес (ВИДЕО)

17 март 2018 - 12:57

Фудбалерот на Сантос, Родриго Гоес го сруши рекордот за најмлад стрелец во историјата на Копа Либертадорес (Лига на шампиони во Јужна Америка) откако постигна гол во победата од 3-1 против Национал. 

 Бразилецот има само 17 години, два месеци и шест дена и го мина рекордот на поранешниот фубдалер на Вердер, Диего, кој претходниот рекорд го постигна во 2003 година. Според начинот на кој го даде голот и со право го нарекуваат „новиот Нејмар“.

На прес-конференцијата по натпреварот младиот фубдалер призна дека не отишол во училиште за да може да игра на овој натпревар и побара прошка од професорите.

„Среќен сум што сум најмладиот стрелец во Копа Либертадорес. Тоа е остварување на сонот. Во однос на тоа дека морав да изостанам од училиште за да играм на овој натпревар, мислам дека професорите ќе ги разберат причините“, изјави Родриго Гоес.