Малиновски со прекрасен гол го исфрли ПСЖ од Купот на Франција! (ВИДЕО)

Марсеј го доби големото дерби со ПСЖ кое овојпат се играше во рамките од Купот на Франција, домаќините победија со 2-1, Малиновски постигна супер гол од далечина.

Марсеј поведе во 31. минута со гол од пенал на Алексис Санчез. Прекршокот за најстрога казна го направи Серхио Рамос.

Во судиското продолжение од првото полувреме Рамос се искуспи за направениот пенал, постигна гол со глава и израмни на 1-1.

Клучниот момент се случи во 57. минута, кога Малиновски „испука ракета“ во мрежата на Донарума и донесе победа за Марсеј од 2-1.

Победа која значи пласман на Марсеј во четвртфинале и елиминација на ПСЖ од Купот на Франција.