Мајсторија од половина терен на Доријан Бабунски (ВИДЕО)

11 ноември 2018 - 10:46

Доријан Бабунски постигнува гол за Мачида на втор натпревар по ред. Овој пат реализираше на мајсторски начин речиси од половина терен за да ја запечати победата на својот тим од 2-0 на гостувањето кај Ехиме. 

Бабунски влезе во игра во 80-тата минута, кога резултатот беше 0-0, а Накашима шест минути подоцна погоди за 0-1. Во последната минута од натпреварот, кога домашниот тим тргна со сите сили по израмнувачки гол, Бабунски го искористи фактот дека голманот беше истрчан од гол-линијата и со фантастичен лоб успеа да реализира за 0-2.

Бабунски значително ја подобри формата во финишот од сезоната во Втората јапонска лига и веќе седми натпревар по ред влегува од клупата и втор по ред ја тресе противничката мрежа. Мачида е во игра за влез во елитната јапонска лига, бидејќи моментално се наоѓа на третото место. 

За нашиот голгетер ова беше вкупно трет погодок сезонава.