Легендата на Челси одби три милиони по сезона од Спартак Москва
Англичанецот реши да ја одби богатата понуда од три милиони евра по сезона на Русите и тоа најмногу поради семејството. Тери својата одлука ја сподели преку социјалните мрежи и им се заблагодари на московјани за професионализмот и интересот.
„По долго размислување решив да ја одбијам понудата на Спартак Москва. Сакам да ја искористам оваа прилика да му се заблагодарам на клубот за интересот и да им посакам се најдобро и на неговите навивачи сезонава. Тоа е амбициозен клуб и бев навистина импресиониран од нивната професионалност. Но откако ја оценивме ситуацијата со моето семејство, одлучивме дека не е вистински момент за преселба во моментов. Со среќа Спартак“, напиша Тери.
Дефанзивецот е без клуб откако ја напушти Астон Вила, каде што играше минатата сезона во Чемпионшип лигата. Претходно цела кариера ја мина во дресот на Челси, а преселбата во Спарак за него ќе беше прв интернационален трансфер.