И тоа го има: Соиграчи се степаа среде меч, а противниците ги двоеа (ВИДЕО)

17 март 2018 - 08:10

Соиграчи од поранешниот француски прволигаш Оксер се степаа среде меч, па судијата за да ги „олади“ предвреме ги испрати во соблекувалната, по што овој клуб доживеа дебакл со 1-4 на гостувањето кај Кевели Руен во Втората лига на Франција.

Вообичаено тепачка има помеѓу ривали, но и вакво нешто може да се види на фудбалските терени. Нејасно е зошто Пјер Ив Поломат и Микаел Барето се степаа на средина на теренот, а откако разменија по некој удар, се стрчаа противниците, како и соиграчите за да ги раздвојат и да го прекинат – „бокс мечот“

Инцидентот се случи на десет минути пред крајот кога Кевели имаше предност од 3-1, иако гостите први поведоа. До крајо бројчаната предност Кевели ја искористи за да даде само уште еден гол, иако можеше да им нанесе вистински дебакл на противниците.