Чудо во Иран: По 39 години жени гледаа фудбал на стадион!
Иранките можеа да го гледаат и да навиваат на дуелот на националниот тим во Техеран во пријателскиот меч со Боливија (2-1). Приоритет да бидат на трибините добиле жените, кои се во сродство со фудбалерите, вработените во иранската фудбалска федерација, како и членките на женскиот фудбалски и футсал национален тим.
Досега на жените во Иран им беше забрането да одат на спортски настани, најмалку на фудбал, а неодамна таа пракса беше прекината со можноста да гледаат мечеви во одбојка, а за време на СП во Русија им беше дозволено да влезат на стадионите каде масовно на видео-бимови се следеа мечевите на репрезентацијата.
Засега нема најава дали ова е инцидентна одлука на властите во оваа исламска земја или пак ќе стане редовна пракса.