„Бомба“ во најава: Марадона го враќа Роналдињо од пензија!

Некогаш најдобриот фудбалер на светот замина во пензија во 2015 година, а последен негов тим беше бразилски Флуминенсе. Оттогаш, неговото име во неколку наврати се поврзуваше со одредени клубови, а сега повторно се актуелни гласините за неговото враќање од пензија.

Како што пишува „Ел Диа“, Роналдињо би можел да заигра во Аргентина, поточно во Гимнасија Ла Плата, и тоа поради Диего Марадона, кој е тренер во овој клуб.

Роналдињо беше желба на аргентинскиот клуб и во 2016 година, тие му понудија милион и пол евра по сезона, но на крајот не беше постигнат договор.

Бразилецот моментално е во куќен притвор во хотел во Парагвај, откако беше утврдено дека влегол во оваа земја со фалсификуван пасош.