Англичаните збудалеа по женски фудбал: Продадени 65.000 билети во само еден ден!

04 август 2022 - 09:49

Еуфоријата околу женскиот фудбал во Англија не престанува ни денови по финалето од Европското првенство (ЕП) во оваа земја, во кое беше совладана Германија (2-1),што најдобро се гледа по продажбата на 65.000 билети за пријателски меч и тоа во само – еден ден.

Станува збор за пресметката помеѓу европскиот првак и светскиот шампион САД, закажана за 7 октомври на „Вембли“, која предизвика огромен интерес во јавноста.

„Вие сте неверојатни, веќе се продадени 65.000 билети за нашиот октомвриски натпревар против САД“, пишува на Твитер-профилот на женската репрезентација на Англија.

Интернет-страницата преку која се продаваа билети во вторникот накратко падна поради преголема оптовареност. Ваквиот интерес и не е изненадувачки, бидејќи неодамнешното големо финале на ЕП го следеа 87.192 навивачи, што е најдобра посетеност во историјата на европските првенства во машка и во женска конкуренција.