УЕФА го суспендираше Арнаутовиќ поради навредите кон Алиоски (ФОТО)

16 јуни 2021 - 13:48

Марко Арнаутовиќ во завршницата од мечот против Македонија направи вистински скандал откако вербално го нападна македонскиот репрезентативец Езгјан Алиоски во славјето по третиот гол, поради што пристигна реакција и од Европската куќа на фудбалот (УЕФА), која веднап почна истрага против фудбалерот на Австрија.

На официјалната страна на УЕФА може да се забележи дека Арнаутовиќ е суспендиран, иако немаше официјално соопштение за казната на австрискиот репрезентативец, која денеска треба да биде позната. Според шпекулациите, казната може да изнесува и до 10 натпревари.

Австриските медиуми објавија дека Арнаутовиќ го пцуел Алиоски на национална основа, односно му кажал „Да ти е*ам мајката албанска“, поради што следеа остри реакции.