„Ристовски на десен стопер не е импровизација – најголемите успеси се со него на таа позиција“
Ангеловски се најде на „удар“ на многу коментари, анализи на легенди, стручњаци, медиуми околу ова форсирање и „импровизирање“ со заменик-капитенот на неговата неприродна позиција, но селекторот посочува дека баш таа позиција на Ристовкси ги донела најголемите победи и успеси за Македонија.
„Таа импровизирана позиција на Стефан (Ристовски – н.з.) ни донесе победа со Германија, ни донесе победа со Словенија во евроквалификациите, реми со Италија во Торино. Можеби тие резултат исто така се импровизација? Нас нѐ очекува меч против силна селекција и тие што ќе истрчаат ќе го дадат максимумот, а јас се надевам на една добра фудбалска претстава и позитивен резултат на крајот“, рече Ангеловски.