Репрезентативците почнаа со тренинзи во Анталија (ФОТО)
Македонската фудбалска репрезентација полека се комплетира, откако од вчера стручниот штаб се смести во својата база на турскиот југ, па денеска попладне го одржа и првиот тренинг пред двата претстонои пријателски средби со Финска и Азербејџан.
На првиот тренинг денеска не беа само тројца репрезентативци Стефан Ристовки, Езџан Алиоски и Столе Димитриоски, кои подоцна во текот на денот ќе им се придружат на репрезентативните колеги.
Селекторот Игор Ангеловски од претходно најави дека нема намера да експериментира со составот, па црвено-жолтите со комплетен тим ќе се обидат да ја продолжат серијата на успешни настапи започната од септемвриските мечеви во мундиалските квалификации која ги донесе до 75-то место на ФИФА-листата, а воедно овие два меча ќе бидат дополнителна шанса за воигрување на тимот пред стартот во септември во Лигата на нации против Ерменија, Гибралтар и Лихтенштајн.
Првиот меч на црвено-жолтите се игра в петок од 17 часот по македонско време со Финска, а четири дена подоцна во истиот термин е дуелот со Азербејџан.