Несторовски: Да, имав понуда од Црвена Звезда!
Со пропаѓањето на Палермо, македонскиот гоглетер како капитен на тимот стана трансфер-цел на многу клубови. Прилепчанецот имаше добри понуди, но реши да остане во Италија, односно да се пресели во Удинезе. На понудата од Црвена Звезда само и се заблагодарил, бидејќи иднината ја гледа во Серија А, која е меѓу најдобрите лиги во Европа и светот.
„Да, пред некои осум месеци се пишуваше за тоа и пред година и нешто. Имав некои контакти, имав и понуда, но само се заблагодарив. Сега моментално се гледам себе си во Италија, тука се чувствувам добро, семејството ми е тука, децата одат во училиште и учат италијански јазик. Реално мојот приоритет е да останам тука, знаеме дека италијанската лига е во Топ 5 лигите во Европа. За во иднина ќе видиме како ќе биде. Никогаш не се знае“, изјави Несторовски, кој остави простор можеби еден ден да го облече дресот на „црвено-белите“ од Белград.